----------------------------------------------------------------------

 

Talet på konfirmantar i Hemsedal varierer frå år til år, men normalt er det rundt 20. Konfirmanttida tek til i starten av september, og held på fram til konfirmasjonsgudstenesta i slutten av mai.

Ordet konfirmasjon tyder bekreftelse/stadfesting. Vi ynskjer å stadfesta overfor konfirmantane at Guds lovnader knytta til dåpen står fast, og gje høve til at dei unge sjølve kan få gje uttrykk for si tru.

Difor må den som vil verta konfirmert, fyrst vera døypt. Vi legg til rette for at dei som ikkje alt er døypte som born, kan verta det i løpet av konfirmanttida.

Det er som regel elevar i 9. klassetrinn som er konfirmantar, men vi kan også tilretteleggja undervisningsopplegg for andre aldersgrupper.

Opplegg og planar for konfirmanttida kan de få vita meir om ved å venda dykk til kyrkjekontoret/presten


Velkomen til å ta kontakt – og som konfirmant i Hemsedal kyr kjelyd!



Fotograf: Marit Skredegård